Alle innlegg i kategorien Studentboligkvitter

Heimelaga lommebok

Ingrid Riddervold-inspirert

For ei æve sia skreiv eg om at eg hadde kjøpt ei sånn Inrid Riddervold-lommebok, som ho har bretta av mjølkekartongar. Då eg, med god hjelp av nokre vener, i går hadde tømt ei av Dinosaurus-kjeks-eskene eg kjøpte i København, tenkte eg at desse eskene er det synd å kaste. Så eg googla og fann ei oppskrift på heimelaga kartonglommebok, og slik gjekk det:









iPhone-en treng absurd bra lysforhold for å ta gode bilete, så eg tok et mens eg var på gjenbruksstasjonen ein tur. Der er det masse-masse lys:



Det var kjempeenkelt å brette! Eg fann ei oppskrift på ein blogg og følgde ho slavisk. No manglar eg berre ein sånn kneppe-knapp til å ha på lokket, så kan eg bruke ho utan å vere redd for at alt fell ut (som om det er nokon fare i dei smale lommene mine...). Merksame lesarar legg merke til at den vesle "Dinosaurus"-lappen som stikk ut på sida på dei andre bileta ikkje er med her.)

Slike lommebøker er veldig kule, men mjølkekartong-look-en er jo litt "oppbrukt" no, og Ingrid Riddervold er ikkje den einaste som sel slike lenger. Men kor mange andre i verda har Dinosaurus-lommebok? Ikkje mange, får vi tru...

Dette innlegget passa veldig godt i "studentboligkvitter"...

Yoshi-barna monterer det nye vidunderet

Endeleg fann eg det eg leita etter!

Etter å ha leita lenge og vel etter noko slikt noko til ein overkomelig pris, kunne eg i dag stolt sette Mellomraud og Mellomrosa i gang med å montere det nye vidunderet.

Dei fekk oppgåva fordi bruksanvisninga var på eit austasiatisk språk, og dei er jo som kjend frå dei trakter...







Til slutt fekk dei små kome for å sjå, men dei fann straks noko betre å gjere...



Eg er iallfall veldig fornøgd med den nye stumtenaren min! Kosta 325 kr og er kring 150 cm høg, var akkurat det eg var på utkikk etter: Noko som er høgt nok til å henge jakker på, men lite nok til å ta liten plass.

Då var det å kome seg i veg på butikken, heim att og lage middag (her ser du kva eg skal prøve meg på i dag) før Nytt på Nytt!

Og psst: Har du fått med deg at du no kan følgje Kvitter på Twitter?

Småplukk frå nabolaget

Ny bustad, nytt nabolag. Nye bussruter, t-banelinjer, nye daglegvarebutikkar, ny utsikt og nye naboar. Å flytte inneber ein masse omlegging, som kan vere kjekt. Her er to småplukk frå nabolaget.

Nærbutikken



Det manglar vel eit "som" inni der ein plass. At dei vil betegne det på lik linje med tyveri, vil kanskje seie at dei vil betegne det i strenge ordelag, men kva dei vil betegne det som, får bli ei overrasking.

Naboane


Kraft er sterk i deg. Litt for sterk.

Knipsa på veg til bussen ein tidleg morgon. Hadde ikkje høyrt noko til sverdkamp kvelden før, men noko har openbart skjedd.

Og forresten: Vaskemaskinene på fellesvaskeriet et sokkar.

Litt farge på veggene (og eit lite dementi)

I går brukte eg verbet "å maule" om å ete meir enn éin ting på ein gong, og det er visst feil både ifølgje ordboka og dei eg kjenner som har ordet i dialekta si. Eg ber om unnskyld for denne gale bruken. Det er dølen JonBlund som har lært meg ordet maule, men eg har visst ikkje lært å bruke det riktig. Eg uttaler det forresten "mævvle".

Litt farge på veggene

(Ny kategori i dag òg: Studentboligkvitter) Det er ikkje lov til å spikre, skru, male, tapetsere eller liknande på studentboligen, men eg har tenkt som så at å klistre opp nokre plakatar med plakatklister (klebemasse, lærartyggis, kjært barn har mange namn) må vere lov. Så eg tok dei to plakatane eg kjøpte frå Tim Roelofs då eg var i Berlin i fjor vår. Endeleg kjem dei opp på veggen!







Tim Roelofs er ein kunstnar klassa mi var innom då vi var i Berlin. Ein del av programmet på turen var ein guida tur med ein ung student i Berlin, så han tok oss med i kule kunstnarstrøk. Eg har ein mistanke om at dei var kompisar.. Det var iallfall veldig billige og søte plakatar.

I nettbutikken hans finn du begge desse trykka og ein masse andre (masse dryge ting), men eg veit ikkje heilt kva det kostar å få sendt det.

Nyaste kvitter

Nyaste attkvitter


Kategoriar

Månadleg arkiv

Lenkjeliste

hits