Alle innlegg i kategorien Nintendo-kvitter

Feit ape, tynn historie

Nytt spel i samlinga

Etter mykje om og men med ein bytelapp i romjula, fekk eg tak i Donkey Kong Country Returns til Wii. No har eg endeleg fått opp både Wii-en og den gamle TV-en til kjærasten min (som eg har kjøpt) i studentleilegheita mi, så no skal det spelast...

Spel med historie? Meeh..

Det slår meg at mange av dei aller beste spela eg veit om eigentleg ikkje har nokon god historie. Nintendo har nokre store spelseriar med mykje vekt på historie, som Metroid Prime og Zelda, men i nyare Mario-spel og i dette Donkey Kong-spelet, er historiene tynne som retusjerte modeller. Og ikkje eitt vondt ord om den utviklinga!

Historia i dette spelet er enkel: Ein eller annan slemming har kome til øya kor Donkey Kong bur, hypnotisert alle dyra i jungelen med fortryllande musikk og stole bananane til Donkey Kong. Donkey Kong er openbart for tjukk i skallen til å bli hypnotisert sjølv, så han spring etter slemmingen og må plukke bananar og hypnotiserte dyr (altså banke dei opp) på vegen.


Ein stakkars giraff er blant dyra som får seg ein liten tripp.

Noko litt utanom det vanlege

Sjølvsagt har bananane, myntane og puslespelbrikkene spreidd seg utover bretta slik at ein må spele dei mange gonger før ein får tak i alle saman. Eg har berre spelt litt, men har allereie kome til stader kor eg må prøve om att 15-20 gonger før det endeleg går. For å kome seg unna flodbølgjer, rasande tårn, gyngande bruer og sinte fuglar (tog du'n?) og samtidig få med seg alt ein skal, må ein vere kjapp, følgje med og av og til vere så presis at ein kan bli gråhåra av mindre. Der f.eks. Super Mario Galaxy var eit løpe-gjennom-spel som ofte gjekk heilt av seg sjølv, er dette - som Gamer.no òg har kommentert - eit av dei vanskelegaste stortitlane frå Nintendo på lenge. Og godt er det!

Fleire bilete frå spelet:









Det var vanskeleg å knipse bilete mens eg spelte, så eg legg ved videoen frå lanseringa så de kan sjå spelgangen (eller gameplayet, som det heiter på godt bokmål).

Dette innlegget passar godt i kategorien Nintendo-kvitter, som eg nesten hadde gløymt at eg hadde.

Du er framleis Mr. Gay!

Gjer Nintendo barna homofile?
I så fall gjer det ikkje meg noko, det er jo altfor få homofile her i verda. Likevel - denne konspirasjonsteorien er av dei sjukaste, men artigaste, eg har sett. På den førre Yoshi-bloggen skreiv eg om korleis logoen til spelet Super Mario Galaxy vart til "UR MR GAY" om ein berre las bokstavane med stjerne på. Sjå berre her:


I logoen til venstre kan du sjå nokre små stjernar på nokre av bokstavane, heilt i kantane. Sjå nøye. ^^

Dette vart oppdaga av forumnerdar med haukeblikk og harselert med i aust og vest lenge før spellansering. Ei amerikansk foreldregruppe krav logoen endra, men Nintendo svara nei. Punktum. Sidan då har ingenting skjedd.

No i år kjem Super Mario Galaxy 2! Og kan du gjette om logoen er endra eller ikkje?



UR STILL MR GAY!

Kva ein kan lese ut av dette, er anten at "UR STILL MR GAY", eller sidan 2-talet er med; "UR MR GAY 2" - du er òg Mr. Gay, men det er inga stjerne på 2-talet. Jaja.

Dagens ord av Aasen:
"Han lyt sjølv bidja, som inkje Tilbod fær."

Noko å tenkje på!

Nyaste kvitter

Nyaste attkvitter


Kategoriar

Månadleg arkiv

Lenkjeliste

hits