Bokhyllekrigen: Pensum vs. Paasilinna II

07.apr.2011, 13:37, 5 har kvitra att

Bokhyllekrigen ein gong til

Sjølv om eg bør lesa pensum og skrive oppgåver, har eg no kasta meg over endå ei bok av Arto Paasilinna. Denne gonen Harens år, som er den mest kjende boka hans. Overraskande nok er det ein hare som er utgangspunkt for forteljinga...



Det eg burde ha lest, er boka Ein mot alle, ein biografi om Kristofer Uppdal. Eg har skumma gjennom og funne eit avsnitt som kan vera relevant til oppgåva eg skriv om eit dikt av han, men eg føler at eg må lesa heile boka likevel. Kristofer Uppdal er, som Trygve Gulbranssen, ein forfattar som har fått ufortent lite merksemd etter sin daud. Uppdal var stor i samtida si, både i Norge og i utlandet, men eg hadde aldri høyrt om han før eg fekk ei av bøkene hans som prosjekt på vidaregåande.



Det synest ikkje så godt på bildet, men Uppdal-biografien er mykje større enn Paasilinna-boka.

Kven vinn?

Det blir nok Uppdal som vinn i dag og i morgon. I helga skal eg på hyttetur, så det må vera lov med ei bok til peiskos, men på måndag igjen er det Uppdal-tid, for då skal oppgåva leverast. Tjolahopp.

Ymse

Målungdommen arrangerer sommarleir [sumarleir], i år på fantastiske Vinstra. Kom kom kom! Det er imot avtalevilkåra på blogg.no å verve til organisasjonar gjennom bloggen her (sjølv om mange lokallag av ymse parti og ungdomsorganisasjonar har blogg på blogg.no), så eg kan ikkje gjera anna enn å oppfordre folk om å koma på sommarleir.

Har du spelt sjokolademjølk-spelet til Q-meieria? Det er veldig artig, ein skal riste ein kartong på så nære ti sekund som mogleg. Eg har klart 10 blank (stolt), så no treng eg femti poeng for å kunne delta i finalen. På deltakarsida mi kan du gi meg eit poeng, om du vil. Slik eg har forstått det, held det å besøke sida, så får eg eit poeng.

Dette innlegget er forsøkt skrive med kløyvd infinitiv. Funka det?

Eg må blogge oftare, eg kan ikkje ha så mykje på ymist. Dessutan blir det veldig vanskeleg å kategorisere innlegget.

5 attkvitter

Frå Austfold/Østfold?...

07.apr.2011 kl.19:27

Eg la ikkje eingong merkje til at du skreiv kløyvd infinitiv, så det tyder vel på at det funka. Forresten eit godt døme på kvifor vi bør halde fram med det!

kallenamnslaus

08.apr.2011 kl.01:15

Kløyvdinfinitiven funka fint!

Julia

08.apr.2011 kl.12:43

Åh, Arto! Jeg har lest Kollektivt Selvmord, den elsket jeg. Skal definitivt lese Harens år også. Kanskje skrive hva du mener når du er ferdig med den?

SV: Haha, ja, vegetarsushi ja! Jeg er noe som heter pescetarianer, jeg spiser altså ikke kjøtt (rødt, kylling osv), men fisk og sjømat. Vegetarianere spiser ikke fisk heller, altså ikke noe kjøtt. Hele greia er ganske komplisert, men uansett! Jeg skal spise vegetarsushi, så jeg spiser sushi uten fisk. Gjør det kanskje til hakket mindre sushi? Godt er det i alle fall, og det er jo det som gjør noe. Ha det kjempefint på hytta! Kommentarene dine gjør meg alltid veldig glad.

anders

08.apr.2011 kl.15:31

du har hareører

JULIA

13.apr.2011 kl.20:13

SV: Herlighet, det var en god del eksamener. Jeg håper det blir litt enklere med åra, nervene. Kanskje ikke. Lykke til med universitetseksamen!

Skriv eit nytt attkvitter!

Nyaste kvitter

Nyaste attkvitter


Kategoriar

Månadleg arkiv

Lenkjeliste

hits