Denne oppskrifta er ein variant av ei oppskrift eg fann i iPhone-kokeboka til Tine. Originalen har sitronpepper, soltørka tomatar og persille, men det høyrdest ikkje så godt ut, tenkte eg.

Du treng

- Laks (minst to filetar til kvar person)
- Créme Fraîche
- Safta av ein halv sitron
- Krydder (eg brukte oregano, dill og havsalt)
- Litt smør
- Pasta (spaghetti eller tagliatelle, eigentleg passar vel alt)
- Riven ost

Slik gjer du

Kok opp vatn og ha i pastaen. La pastaen koke mens du gjer det andre.

Skjer laksen opp i små bitar og legg dei på ei fjøl, skvis safta frå sitronen over og dryss på litt krydder. Varm litt smør i panna, ha laksebitane oppi og steik til dei ser fine ut. Så hiv du oppi nokre store skeier med Creme Fraîche (oppskrifta sa 2 dl, eg trur eg tok litt mindre), rør rundt (ifølgje oppskrifta skulle det "surre", kva enn det er). Riv over litt ost og krydre.

Et!

Ikkje frykt at dette skal bli ein matblogg. Eg treng berre litt motivasjon til å stå for middagen sjølv kvar einaste dag, men det kjem så klart i tillegg til den vanlege kvitringa.