Varmande nynorsk i ein grå hovudstad

23.nov.2009, 19:50, 4 har kvitra att
Det bankande hjartet i hovudstaden
Eg er gjerne i eit skjørt humør om hausten, og det skal ikkje mykje til før eg tek meg sjølv i å sitje og deppe no. Det er litt kjipt, men i dag kom eg på ein kur. Eg har tidlegare skrive om filialen til Libris-bokhandelen i Oslo som har ein stor del av skilta i butikken på nynorsk. Det er så fantastisk, det varmar seriøst hjartet mitt å sjå levande nynorsk midt i bokmålshelvetet Oslo. Nokre bilete:

img1157
img1158
img1159

Nynorskingen i bokhandelen har no fått eit namn: Gunvor Edel. Fantastisk. ^^

Dei har òg ein kafé, eg får setje meg der ein gong og drikke kakao eller noko slikt. Kanskje dei har bollar. Mmm, nynorskbollar...

Ei ny bok i samlinga
Eg kjøpte ei bok. Ei pocket-bok (godt nynorskord for dette, nokon?) til 99 kr, student og fattig som eg er. Det var ei bok av Karl Ove Knausgård, så ho er diverre på bokmål, men det får eg nok til. Dette skal vere oppvarming og førebuing til Min Kamp av same forfattar, som er ein slags sjølvbiografisk roman i seks store bind. Eg gler meg, denne mannen skal visstnok vere ein av dei største nolevande forfattarane i Noreg, så då får eg få det med meg, bokmål eller ikkje.

Elles er det no berre nokre dagar til eg skal levere bøker på biblioteket, så eg må bli ferdig med Saman er ein mindre aleine, og eg har litt under 200 sider igjen. Går nok bra. Hurra for nynorsken. ^^

4 attkvitter

Marta

23.nov.2009 kl.20:05

Synd at "lommebok" er teke allereie. Lommelesebok? Leselommebok? Vesle, mjuke boka? Papirbok? (som om ikkje so godt som alle bøker er skrive på papir...) Mjukt-omslag-bok? Veslebrorboka? (so er storebrorbøkene alle dei med hardt omslag) Eller veslesysterbok/storesysterbok. Eg kom plutseleg til å tenkje på "Nytt på nytt," den leiken der dei skal setje to ord saman til eit nytt. Eg undrast kvifor? x) (retorisk spørsmål, slapp av)

Eg har sagt det før (kan hende for mange gonger?)... Orsak: Eg har SKRIVE det før, men eg skriv det om att: Bloggen din verkar som ei oppmuntring for andre. Om eg har jobba mykje (eller greitt, litt, då (altfor lite, faktisk, men detaljer, detaljer)), so er det alltid fint å ta ei pause med å titte innom bloggen din for å sjå om du har skrive noko nytt.

Tehe, kan hende eg skulle skrive takkebrev til Sumpen for at dei skreiv om bloggen din? Hadde det ikkje vore for dei, so hadde eg nok aldri kome over han, diverre. Kva skulle då klare å muntre meg opp innimellom all jobbinga? Nei, eg synest du skal stao pao ;-)

Vossamaol er artig å skrive ^^ Veit du forresten kva "blaopoto" er?

Søs

23.nov.2009 kl.20:51

De har boller! Og brødskiver med navn. Jeg smakte Oddvar, han var god. Nynorskkakao i morgen?

23.nov.2009 kl.22:40

Så "morosamt" at du skriv på nynorsk! :D

Chalten

24.nov.2009 kl.13:57

Aa levere bibliotekboeker i tide er jeg ikke flink til. Saa etter aa ha mottatt x giroer har jeg mer eller mindre kuttet ut dette.

Skriv eit nytt attkvitter!

Nyaste kvitter

Nyaste attkvitter


Kategoriar

Månadleg arkiv

Lenkjeliste

hits